「去玩、去癲、嚟OceanPark。」現在海洋公園成了看大熊貓的地方，網友卻懷念在海洋公園一起濕身的日子，「有冇人懷念海洋公園水上樂園，𠵱家咁熱嘅天氣，真係想去玩吓。」高登討論區網友「桃太郎電鐵」還說：「如果𠵱家仲有水上樂園，實大把着三點式靚女睇。」
五彩天梯 激流 大水泡
不少高登友看來都熱衷水上活動，一提起水上樂園便喋喋不休，「去到狂玩五彩天梯，因為只有五彩天梯最少人排隊。」「桃太郎電鐵」認為五彩天梯太刺激，他寧願排隊玩激流旅程或開心河，「不過有排等，排到起碼成個鐘頭。嗰時玩到攰就食，食飽又再玩過，真係由朝玩到晚，諗番起都好開心。」
有高登友指激流旅程好玩在有氣氛，「三唔識七嘅人，都會拉龍一齊玩，遲遲唔落去都得。」「丁有康」說坐住個大水泡很過癮，「上面啲人不斷衝落嚟，好多人反艇，好開心。」阿樞說記憶中水上樂園晚上有特備節目，會邀請特技人跳水，入場不止玩水，也有餘興節目欣賞。Victor遺憾地說與水上樂園相逢恨晚，「我只係去過一次，如果再有機會去就好喇！」