黎姿的31歲胞弟黎嬰5月底乘的士時遇上交通意外，情況一度危殆，前日情況已有好轉，由瑪麗醫院深切治療部轉送到腦外科病房繼續留醫。黎嬰轉趨穩定，黎姿昨日探望他時已較之前寬容，而她將會於下周四（26日）復工。
黎姿胞弟黎嬰5月30日晚乘搭的士時，遇上交通意外，他被拋出車外頭部直撼路邊鐵欄，腦部嚴重出血，送院救治期間一直在瑪麗醫院深切治療部留醫。經過個多月的治療，黎嬰的傷勢已有轉機，前日已經蘇醒的黎嬰搬往7樓腦外科病房繼續留醫。據知他對外界有反應，情況日漸轉好。黎姿和母親昨日繼續前後腳到醫院探望，由於黎嬰有好轉迹象，所以二人對記者的態度都顯得比之前寬容。
黎母點頭證清醒
黎媽媽昨午12時許在女親友陪伴下到達醫院，黎姿則在大半小時後獨自出現，見她神情比以往輕鬆不少。問到黎嬰最新情況，她說：「OK嘅，多謝大家關心。」她大約逗留了約兩個小時才離開。傍晚6時，黎姿在女親友陪伴下再往探望弟弟，5分鐘後，黎姿雙親也結伴到來，為迴避記者鏡頭，黎爸爸用手掩着嘴巴。問到黎嬰是否已清醒？黎媽媽一邊點頭一邊說：「多謝關心。」
黎姿雖然在新劇《珠光寶氣》孭重飛，但為了專心照顧弟弟，她一直向無綫請假，令該劇進度受到延誤。無綫藝員部助理總監樂易玲昨日在《強劍》祝捷會上表示曾探望黎嬰，她說：「未醒，但係有反應，係蘇醒嘅process，手腳可以郁，聽到其他人講嘢，情況一路好轉，由深切治療轉去私家病房，一定係度過咗危險期。等佢醒番之後，先會再做第二次手術。」
同事體諒冇投訴
至於黎姿何時會復工，樂易玲說：「同佢傾咗，唔會係全面，會逐步復工，7月26號喺深圳有個頒獎典禮，佢係入選藝人之一，到時黎姿會去。」有傳《珠光寶戲》會刪減黎姿的戲份，樂小姐說：「製作我唔知，但正常係會作適當調整，慶幸到目前為止所有工作人員都表示關心同體諒，冇人投訴過。」
採訪、攝影：魯萍
