男士買新車，切忌過份張揚及貪心，否則「被港女知道你就渣都無得剩」！有無咁誇張？網民HOI的朋友三年前買新車後打鑼打鼓，想向朋友𢱑份禮物裝飾新車，點知班港女朋友們送禮後，就當他是私人司機要車出車入，Cheap男遇着港女，偷雞唔到慘被搵笨。
網友HOI於Copycatforum二手論壇中講述朋友的悲慘經歷，「成班朋友入面，嗰堆香港少女們就一人一個街邊A貨公仔、安全帶墊、座墊畀佢。之後佢哋就當入咗股，做咗架車股東！呢班股東之後日常出入，靠打個電話畀個男仔，就有專車接送。」
「入油入到喊」
這名偷雞唔到的港男「入油入到喊」，不過，署名「追命」的網友狠批Hoi的朋友不值得同情：「個男孩子軟弱咋，冇得怨。」大部份網友都認同追命的看法，網友「dogtopdog」也揚言「我唔車佢，咬我食呀！」網友「buffon2102」認為應該拒載：「就算有車都唔會車佢哋，油錢你幫我畀呀！」
網友「斜釘」認為：「成日搵人笨嘅女仔唔慌好得去邊，唔交呢個朋友咪算！」網友Wallace補充：「除非對佢有意思啦！」自稱「siu龜」網友則代表坐順風車一族反擊：「我身邊好多FD（Friend）有車，我都唔會叫佢哋車我，除非約咗佢哋，佢哋順路車囉，唔會要佢特登兜路！」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]