俄羅斯女網球手近年hit爆，多數因為樣靚身材正；不過，俄羅斯球手洛廸露娃就因為第二樣嘢而出名。話說喺星期二嘅辛辛那堤網賽首圈，洛廸露娃因不滿現場觀眾一面倒咁捧佢對手德國嘅姬芭而狂噓自己，嬲得滯將個波好大力咁擊向現場觀眾，結果被取消參賽資格，成為史上第二個遭球證取消資格嘅女網手！