一年一度的香港書展昨日揭開序幕，一眾加入出書戰團的名人明星，首天已齊集會展埋身肉搏，鬥賣書、鬥聲勢兼鬥多fans。昨日激戰第一回合，由2R索女黃婉伶（Race）憑新書《伶．開始》率先彈出，她在書內加插大批比堅尼泳衣濕身噴血照，難怪吸引大批fans支持，風頭壓倒同場的周汶錡和周麗淇姊妹花。至於英皇群星如Twins和鄭希怡等人，則空群而出力撐經理人霍汶希的新書，一味靠人海戰術贏派頭。 採訪：李珮洳、吳天慧 攝影：陳偉權
Race色相吸Fans
組合2R成員黃婉伶（Race），昨日推出處女新書《伶．開始》，雖然她在大後日才舉行簽名會，但昨日已心急地偕父母到書展巡視銷情，逾百fans聞風而至，論聲勢與周麗淇叮噹馬頭。
母閱書痛哭
向來走斯文玉女路線的Race，在新書中大賣處女比堅尼泳衣照，美好身段表露無遺，瞄頭十足，難怪捧場fans多，當中更有一名來自西班牙的光頭男fans專程來港親近偶像，Race表示對方已加入其歌迷會，現時更學習廣東話，昨日她以英語跟男fans聊天，又握手示好。
Race又稱父親不介意她在書中性感登場，她說：「着泳衣都好普通、好健康啫。」黃爸爸不止買了100本書送贈親朋戚友，更即場再買一本以示支持。Race又稱媽咪看到她在書中提及兩姊妹在港發展的辛酸史時，大感心酸，她說：「媽咪一路睇一路喊，好似發咗癲。」
周麗淇人氣勝汶錡
同人唔同命，同遮唔同柄，周汶錡和周麗淇這對姊妹花，昨日在書展打對台，先後舉辦簽名會，前者場面冷清，後者則熱鬧非常，受歡迎程度高下立見。
周汶錡Fans寥寥
周汶錡昨為新書《周汶錡MystyleGuide上海之旅》舉行簽名會，派籌100個，但圍觀人數不足30，反應冷淡，問她為何不邀胞妹周麗淇撐場？她卻如細契關菊英所唱般「講不出聲」，未有回答，後來則謂會着其法籍男友支持，她說：「佢唔識睇中文，但當然有叫佢買書。」
其後輪到周麗淇舉行新書《細味心事》簽名會，同樣派籌100個，但捧場fans頗多，提到周汶錡簽名會反應慘淡，滿面尷尬的周麗淇竟在自己地盤硬銷胞姊說：「吓？係咩？我家姐出第三本書，旅遊書都好銷量，可能今日夾唔啱，可能上面（賣書攤位）打晒轉買書。」
去年周麗淇出書被彈字數太少，今次新書字數明顯有加碼，但她否認與被批評有關，又不忘着緋聞男友鄭嘉穎幫襯，她說：「作為朋友係咪要支持吓？」
Mani借群星造勢
昨日書展中最叠馬、最星光熠熠及場面墟冚的明星名人簽名會，首推英皇群星盡出力撐經理人霍汶希（Mani）的新書《Manivs偶像終極大反擊》，Twins、鄭希怡（Yumiko）、蔣雅文、關智斌和鍾舒漫等均有到場，雖然只派了200個籌，但圍觀者絡繹不絕。
狂迷現身追阿嬌
今次群星在書中撰文與Mani互爆瘀事，對此Mani說：「咁多個最毒係阿Sa（蔡卓妍），得佢踩我，話我化妝塊面好白，同條頸唔同色。」阿Sa聞言繼續笑住踩：「我睇番有一次Mani影嘅相，同阿嬌（鍾欣桐）講，妖孽當道，白面女妖。」
剛過生日的Mani又透露已跟男友Clayton分手，原因是性格不合，不過現場有另一男士手持鮮花和旗袍排隊索簽名，此君正是阿嬌的內地狂迷「007」，但她見狂迷即閃，007託Mani將鮮花及旗袍轉贈阿嬌之後，竟向記者說：「Mani呢啲只可以做朋友，唔可以做夫妻。」對於有傳麥浚龍追阿嬌，他竟說：「佢嘅裙下之臣數以萬千，我喺七名之內，數一數二。」
此外，Mani昨在商台電話訪問中說：「呢次係第四次出書，相信係最後一本，我睇番佢哋（旗下藝人）寫嘅嘢，字裏行間充滿仇恨，完全冇面畀。」
艾粒沉迷講是非
商台搞笑組合ILoveuBoyz（艾粒）成員少爺占和Donald，昨日在會展舉行簽名會，為新書《ILoveuBoyz東京勁作狀》及《艾粒電視台2》DVD造勢，200個籌派清光，少爺占自稱怕有女藝人低胸現身，故穿deepV衫搶鏡。
緋聞女友撐場
其間艾粒竟講王貽興多過銷書，對於王貽興入選乞人憎藝人選舉三甲兼是非不絕，艾粒指對方確有不開心，少爺占說：「我叫咗佢唔好做任何嘢，唔好答任何嘢，唔好拍拖，佢咁靚仔，唔止吸引女仔，男仔都吸引埋。」
艾粒又邀女子組合Krusty現身撐場，前日25歲生日的Donald緋聞女友Jan（張詠恩），獲Donald送贈一條購自I.T的裙作生日禮物，但Jan卻寸對方cheap，竟以現金券換裙。
此外，港台DJ梁奕倫昨日也到書展視察其小說《好人有限》的銷情，並請來黃宇詩、組合Rednoon及陳柏宇等撐場，吸引約80人圍觀。
話你知：簽名會陸續有來
關心妍
書名：《迷失與尋回》
定價：$65
簽名會：明日下午6時
米雪
書名：《米雪．營得自在》
定價：$88
簽名會：後日下午2時
王菀之
書名：《王菀之寫真—閃電雲》
定價：$68
簽名會：後日下午3時
傅穎
書名：《TwithSunshine》
定價：$68
簽名會：22日下午1時
資料來源：《蘋果》資料室