話晒喺意甲球壇打滾多年，曼城領隊艾歷臣似乎對意甲兵情有獨鍾，繼之前引入路蘭度比安基後，最新消息係想買巴勒莫嘅澳洲國腳比斯安奴。路蘭度比安基啱啱喺友賽贏奧基廸4:1場波首次落場，即刻有波入，連同鄉哥拉廸都好似踢得好生猛。不過，意甲兵喺英超嘅紀錄唔算特別好，奉勸艾帥都係咪感情用事。