黃家強除了是Beyond成員及獨立創作歌手，最近他還添了幾個新角色，分別成為了丈夫及爸爸，現時他還多了一個身份，就是樂隊Kolor的老闆、監製以及唱片美術總監。
樂隊Kolor由4位成員蘇浩材（Sammy）、羅灝斌（Robin）、朱偉初（Michael）以及高耀豐（Kofung）組成，最近獲老闆投資6位數字推出首張大碟，而這位老闆就是黃家強。
「冇諗過賺得番」
家強表示自己在樂壇多年，加上又是樂隊出身，故十分明白樂隊的辛酸，家強還覺得是時候回饋樂壇帶一些好音樂給歌迷，他說：「好多人覺得6位數係一個大數目，我自己都冇諗過要有回報，冇諗過Kolor出碟係咪一定會賺得番呢個數目，總之我認為咁做係回饋樂壇，我捨得花呢筆錢去買呢個夢。」
Sammy指家強的支持令Kolor的路行得順利，他說：「之前其實我哋都出過一隻碟，但當時成員就有啲唔同，當時唱片公司幫我哋出過隻EP，後來個老闆就要我哋啲歌轉style，當然我哋唔想咁做啦，因為都唔係自己鍾意嘅嘢。後來家強叫我哋交歌畀佢，如果唔係得佢幫助，我哋都唔知幾時先出到碟。」
討厭音樂變商業
另一位成員Kofung表示最開心就是可以做自己喜歡的音樂，雖然期間老闆都要他們作出一些改變，他說：「改變同妥協係兩回事，家強要求我哋作出嘅改變係為成件事好，而唔係將音樂變成商業去賺錢，相信呢樣嘢對於夾band嘅人係好重要。」最後，Robin見到自己的唱片感慨良多，因為之前他們聽過不少冷言冷語，幸好得到家強的支持，才令他們夢想成真，所以他會永遠緊記對方的教誨。
採訪：李珮洳 攝影：陳偉權
