阿根廷球星美斯（圖）未列入下月巴塞隆拿訪港名單，但有報道指佢過幾日會跟贊助商喺國內深圳進行連串宣傳活動，仲會上埋深圳版嘅《殘酷一叮》節目中做嘉賓，準備揸住個槌仔「叮人」。據講個節目會喺下月初播放。我求大俠唔知上述消息係流定堅，只覺得本港球迷無深圳球迷咁幸福，可以親睹小球王嘅風采囉。