ILoveYouBoyz（艾粒）日前到日本拍攝DVD，二人大爆最辛苦的莫過於要穿紅白藍膠衫，由於天氣炎熱，在汗水和膠味交織下，簡直臭到無倫。返港時，櫃位職員更要求他們用多重膠袋將膠衫封好，才讓他們寄倉。
組合ILoveYouBoyz去年推出的《艾粒電視台DVD》反應理想，今年他們獲旅行社贊助到日本拍攝第二集的《艾粒電視台2──奸爸DVD》，日前他們接受本報專訪時，大爆在當地墓地拍攝後，剪片時發現一個白影，令人毛骨悚然。
噴清新劑反效果
成員Donald覺得在整個過程中，最恐怖不是見到白影，而是一套紅白藍膠衫令他與阿占受盡折磨，他說：「個設計師都唔知係咪玩我哋，明知天氣咁熱，仲要整套紅白藍膠衫，我哋每日都要着住，勁出汗，成身都啜住晒，你諗啲膠味加埋汗味會有幾臭，最慘係冇得洗衫。」
談及這套膠衫，阿占感到相當痛苦，他表示每日到便利店買香味清新劑噴勻全身，可惜適得其反，他說：「噴完仲臭，我哋拍完嘢套衫就放喺車，成車人迫住要聞埋呢陣比臭腳味更臭嘅味道。」
checkin遇阻滯
完成7天拍攝工作後，艾粒要將這套臭衫帶返香港，當他們在機場checkin時，櫃位職員向他們查詢臭味從那裏發出，他們說：「個職員問我哋點解行李入面有咁強烈嘅臭味，最後佢要我哋拎套衫出嚟，仲要用好多膠袋封好，先畀我哋寄行李。」
此外，今次擔任女主角的日本水着女優木村乃拍攝期間全程以三點式示人，艾粒透露就算在街頭開工，途人見到水着女優都不會驚奇，阿占笑言若在香港拍攝，應該要花上三倍時間，他說：「日本人可能睇AV女優睇到麻木晒，佢哋根本唔覺得係一回事，我諗香港人見到一定不停拎部手機出嚟影closeup，再放上網同人分享。」
採訪：李珮洳 攝影：陳偉權
場地提供：aluminium
