韓國性感女星李孝利自從成為手機品牌Samsung代言人後，先後同神話Eric、權相佑同李準基等男星拍過幾輯有古仔有歌聽嘅廣告。最近佢就同憑處境劇《無法阻擋的HighKick》上位嘅新星鄭一宇，拍咗個浪漫愛情故事，大玩姊弟戀。
曾被情傷
阿Net上網睇過段片，故事以一張張照片去交代，28歲嘅李孝利同19歲鄭一宇，有日喺咖啡店掉換咗手機，就咁兩人透過手機了解對方。扮演電台作家嘅李孝利俾男友飛，搞到唔再相信愛情，至於鄭一宇飾演嘅攝影師就充滿陽光氣息，最後兩人相約到咖啡店攞番部電話，愛情因此萌芽。
雖然佢哋年齡相差一截，但唔少人都覺得佢哋好合襯，有網友仲將硬照另外拼合成MV，但阿Net唔明點解韓國網友用動畫《新世紀福音戰士》主題曲嘅慢版，似乎唔多啱feel喎。
手機官網網址： http://www.anycall.com/index.jsp?nowindex=sub
網友自製MV網址： http://www.mgoon.com/Mulpi/Mov/ExtView.aspx?MulpiID=ajfvlqhek&VID=799810
版主：阿Net
本欄逢周一至五刊出