西安市噚日嚟香港招商，中國海外發展（688）喺會上簽訂西部最大投資項目，參與西安唐朝大明宮國家遺址公園建設同周邊地區改造工程，總投資逾200億人仔。
據西安曲江新區管委會主任助理李平介紹，個項目開發面積達29平方公里，包括大明宮遺址周邊城中村同棚戶區改造，大明宮遺址公園配套設施建設、高尚社區同商務公寓；首期投資5億美金，噚日簽訂協議，中海主席孔慶平希望今年底或明年初動工。
大明宮建於公元634年，佔地350畝，面積係北京故宮嘅3.5倍，係中國古代宮廷建築嘅標誌；61年國務院公佈為首批全國重點文物保護單位，亦係國際古遺址理事會確定具世界意義嘅重大遺址保護工程。