台迷玩贏BlogGame甘貼機票<br>紅BlogBlog︰GiGi伴遊一日冧Fans

台迷玩贏BlogGame甘貼機票
紅BlogBlog︰GiGi伴遊一日冧Fans

近年不少明星愛寫blog來增加與fans的互動,梁詠琪(GiGi)則進一步在其blog內玩有獎遊戲,立刻吸引大批fans熱烈回應,文章留言人數由平時的300多人一下子急升至735人,GiGi果然懂得收買人心。

遊星光大道

凌零發日前瀏覽GiGi的blog,她上月6日以「遊戲開始咗啦!!仲唔快手D~」為題,跟fans玩問答遊戲,未知GiGi是否十分欣賞當時由王貽興和鄭少秋主持的《謎》,她的遊戲也像謎一樣,fans除要估答案外,連問題也要自己估,令他們甚為苦惱。結果735人當中只有一人答中,她就是台灣fans「蘋果」。
GiGi提供三個選擇讓fans從中挑選一份作禮物,結果蘋果選擇自資來港跟隨偶像一天,親身體會GiGi工作過程。7月12日,GiGi先帶同蘋果去為香港弱智人士家長協會的賣旗日拍攝廣告,沒想到預計5小時的工作竟在半小時內完成,GiGi二話不說即帶蘋果去食泰國菜。
其後GiGi又帶蘋果去星光大道及文化中心觀光,二人在維多利亞港前大擺老套甫士拍照留念,GiGi又取笑蘋果在美景前大驚小怪,但又自爆其實自己的心情更興奮,因為她已多年沒到過該處。最後二人出席動物捐血慈善活動,為行程畫上句號。凌零發覺得GiGi肯在百忙中抽空陪伴fans一天,實在非常難得,但她在blog內標明不包機票及住宿,又好似太小家。
版主:凌零發

GiGiblog:
http://www.gigiblog.com/wordpress/index.php

蘋果(左)一早就去髮型屋搵偶像,有幸見到GiGi嘅素顏look,側面睇其實蘋果都幾似GiGi喎!

台灣fans蘋果帶咗一箱珍藏品嚟畀偶像簽名,簽到GiGi手都軟。

GiGi上個月喺blog度搞咗個懶神秘嘅問答遊戲,連問題都冇,但居然有fans答得中喎!