我阿Net一向好羨慕能夠上電視動畫《阿森一族》客串嘅明星，因為佢哋可以變成劇中黃皮膚兼冇下巴嘅騎呢卡通人物，不過𠵱家唔使得個恨字，因為隨住動畫電影版《阿森一族大電影》（TheSimpsonsMovie）下月上映，官方網頁推出咗拼圖遊戲，畀大家為自己創作獨一無二嘅阿森公仔，準備好就開始玩啦！
步驟一：登上網頁
首先登上《阿森一族大電影》個官方網頁 http://www.simpsonsmovie.com，然後喺最頂嗰三個方格度，揀「CreateYourOwnAvatar」（創造你的虛擬替身）。
步驟二：創造角色
跟住又有兩個方格揀，左邊係「註冊/登入」，可以暫時唔理，如果想即刻整公仔，揀右面嘅「創造新角色」啦，然後佢會問你想整男定整女，揀完就可以進入拼圖畫面。
步驟三：揀選樣貌
首先要揀你心目中嘅公仔身形同膚色，之後就由髮型、眼睛、眉毛、鼻同嘴一路拼落去，要留意係某啲部份係可以揀埋顏色嘅，最後要揀埋衫褲同鞋，不過款式選擇非常之少。
步驟四：儲成檔案
肯定冇嘢改之後，就click畫面最低嗰行中間個箭嘴按鈕，然後網頁會問你想將個角色存檔成圖像定係電腦icon，二揀一click埋之後，電腦會有個視窗彈出，問你想將個檔案儲存喺邊度。
步驟五：大功告成
咁樣就搞掂喇！有冇發覺呢個示範公仔熟口熟面呢？佢咪係啱啱放監時嘅名媛ParisHilton囉。
TheSimpsons拼圖網址： http://www.simpsonsmovie.com/
版主：阿Net
本欄逢周一至五刊出