已有34年歷史的香港小姐競選，近年質素低劣，尤其應屆港姐佳麗的質素再創新低，水準平庸，難怪大會繼出動選美師姐楊思琦和陳法拉幫拖拍外景後，再邀77年港姐冠軍朱玲玲出山擔任港姐評判。已屆47歲的朱玲玲昨日初會16位候選佳麗時，無論美貌、艷光及儀態均掃低一眾師妹，靚足30年的「最美麗港姐」招牌，確非浪得虛名。
今屆港姐由開鑼至今，16位佳麗均被指有青春而無美貌，被形容為最標青的「巨籮黎姿」2號何傲兒自從沉重下圍曝光後，其生硬表現及在連串負面新聞包圍下，即時瞄頭大減，令港姐可觀性更加欠奉，無怪乎大會要不斷出動選美師姐幫拖，昨日更請來77年港姐冠軍、被譽為「最美麗港姐」的朱玲玲擔任應屆港姐評判。
風采不減
380萬元鑽錶顯身份
今屆港姐決賽本周六假紅館舉行，無綫昨日安排大會評判朱玲玲、名媛何琍琍、導演劉偉強、「蘭桂坊之父」盛智文和鄭維新，在尖沙嘴日航酒店與穿上自選服裝的16位候選港姐會面。沒想到已屆47歲、身為三子之母的朱玲玲，站在一眾師妹身旁竟然艷壓全場，令一眾佳麗黯然失色。
身穿一襲吊帶黑裙的朱玲玲雖然打扮簡約，但腕上戴着一隻價值380萬港元的PiagetDiscoBall系列鑽錶，鑽石重達19.8卡，非常高貴大方，完全切合其身份。她表示初會16位佳麗，一時難以選出心水人選，朱玲玲說：「都未接觸過今屆佳麗，未有心水，但都係以靚為主啦，今日佢哋係着自己衫，睇着衫都反映到佢哋嘅性格，畀佢哋意見係最緊要自然啲同放鬆啲，我以前選嘅時候簡單好多，自己乜都唔知，反而唔識緊張。」
朱玲玲儀態萬千，但其未來新抱仔郭晶晶日前出席活動時頻頻走光，問她可會教授對方儀態之道，豈料她乍聞郭晶晶即迴避說：「你哋今日唔好講嗰啲啦，我唔講嗰啲。」
另一方面，昨日一眾港姐分公開及閉門兩部份會見評判，當中與評判公開閒談的內容為自我介紹及分享集訓和拍攝經驗等，由於今年有外籍評判盛智文，佳麗外語能力即見真章，本來1號至5號佳麗與劉偉強傾談時，1號麥皓兒經常搶答博表現，至盛智文出現，形勢馬上扭轉，由來自加拿大溫哥華的5號張嘉兒以一口流利英語作答，其他佳麗則顯得甚為生硬。
被指偷書
「咁細個啲嘢都唔記得」
何傲兒則自稱英語不俗，對答沒問題，她說：「平時自己都有睇英文書，返學嘅notes都係英文嘅，頭先評判問我讀law將來想做邊種律師，我話想做事務律師。」何傲兒近日又被匿名人士爆料指她與胞姊何傲芝求學時期涉嫌偷書。何傲兒昨日回應有關指控時說：「我同家姐係讀同一間小學，自己冇做過啲咁嘅嘢，家姐應該都冇，我唔可以代表佢答，咁細個啲嘢都唔記得喇！」
昨日無綫公佈「最受歡迎佳麗」目前最高票數的五位佳麗，分別為1號麥皓兒、2號何傲兒、4號黃智雯、5號鄭瑩瑩及12號李潔瑩，入選五強的鄭瑩瑩對於有人報料指其父母有江湖背景，兼強迫親友及鄉里投票給她，鄭瑩瑩說：「我唔會特登澄清，咁做人哋仲以為我身有屎，亦唔知道乜嘢人報料嘅。」
採訪：卓美娟 攝影：林德雄
最高蘋嬸
今年港姐嘅質素真係可以用慘不忍睹嚟形容，年過40嘅朱玲玲拍埋去，莫講話做評判，上埋台選睇怕都可以攞多次冠軍，不如今年真係搵埋朱玲玲選啦，我擔保收視可以過30點！
蘋果娛樂特派評述員蘋嬸
最靚港姐冠軍
最醜港姐冠軍
