現年39歲的魏駿傑和滕麗名今年5月分手，有指分手原因是魏駿傑去年與年輕20載的內地新歡張利華火速撻着。魏駿傑昨日坦承認識張利華，大家是朋友關係，並表示不排除有發展機會，滕麗名則維護舊愛說：「如果大家寫衰佢，我會唔開心。」
魏駿傑和滕麗名今年5月承認9年戀情告終，據悉他去年12月已瞞着滕麗名與重慶學生妹張利華交往。他本月4日還在其Blog內大晒幸福，並寫上：「現在我很開心，有喜歡的人，很幸福。」新歡張利華雖年僅19歲，但與魏駿傑卻愛得癡纏，並向友人聲稱二人計劃年底共諧連理。
「畀多啲空間佢」
滕麗名聽到舊愛喜訊，大方送上祝福，她昨日接受電話訪問時說：「我想再三澄清，我哋分手真係唔涉及第三者，我希望傳媒又好，邊個都好，都盡量畀多啲空間佢（魏駿傑），唔好畀咁大壓力佢。如果大家寫衰佢，我會唔開心。」
不過，身為當事人的魏駿傑昨日卻透過經理人Michelle否認婚訊，她說：「我聯絡咗傑仔，佢話今年一定唔會結婚。不過，佢承認係認識報章寫嗰個女仔張利華，係朋友介紹認識嘅，大家只係朋友關係。」
探索發展機會
魏駿傑和張利華有發展機會嗎？Michelle說：「佢話未知，因為佢始終啱啱先同滕滕（滕麗名）結束一段咁長嘅感情關係，好希望呢段時間再諗吓先。至於傑仔話blog上寫『有喜歡的人』，佢解釋話唔係指愛情嗰種。」
男大當婚，已年屆39歲的魏駿傑不急於成家立室嗎？Michelle說：「傑仔話要等到自己有事業基礎先考慮結婚，佢暫時都會以事業為重。」
採訪：比華利