謝霆鋒、余文樂和房祖名主演的電影《男兒本色》前晚舉行首映，霆鋒家人如父親謝賢、母親狄波拉及胞妹謝婷婷均有現身捧場。薛凱琪（Fiona）前晚也大方為緋聞男友祖名撐場，並透露將赴台發展半年，出發時會帶備枕頭和電腦，又表示祖名怕她在異地生活苦悶，特地介紹台灣朋友給她。祖名則謂有空會到台灣探望Fiona。
由謝霆鋒、余文樂、房祖名主演、陳木勝執導的《男兒本色》，前晚在會展舉行首映禮，一班演員到齊外，還獲郭富城、陳奕迅、薛凱琪、余安安、羅嘉良及林嘉華一家三口等人往撐場，祖名見到霆鋒胞妹婷婷時，即熱情地上前與她攀談。
搏命賺奶粉錢
霆鋒前晚舉家現身捧場，獨不見其妻栢芝的影蹤，他說：「呢度咁多人，佢嚟唔係咁方便，而且我都唔想佢一出現就成為焦點。」霆鋒在片中有危險動作，前晚他坦言擔心父母看完會責怪自己，他說：「我唔係發哥同偉仔，拍戲都係等人揀我，為咗搵奶粉錢，要我喺30樓跳落嚟都要㗎啦！」
薛凱琪則專程往撐房祖名，她說：「一個星期後我會出發去台灣發展，預計會逗留半年。」祖名知道後打算介紹當地一些朋友如蕭亞軒等給她認識，讓她留台期間不致寂寞，認真體貼。
自嘲影響市容
問Fiona有否為祖名的體貼照顧感心甜？她避忌地說：「其實我自己喺台灣都有啲朋友，只不過唔夠佢識得多，今次出發我會帶埋枕頭同電腦去。」
此外，昨日祖名接受商台節目電話訪問時，提到在新片《太陽照常升起》中有露股鏡頭，他承認事前並不知情，但經導演姜文極力游說，最終為求突破而答允拍攝，他說：「拍戲時就好似將條命交畀佢，佢都有𠱁咗我好耐，我最後亦除衫拍攝，仲要黐住條尿管一齊拍，頭兩take我仲係真尿㖭，有啲鏡頭影到我正面，不過我相信唔會畀人拎出嚟，因為會影響市容。」至於會否邀Fiona欣賞《太》片，他就抵死地說：「佢去台灣半年嘛，乜佢去學藝咩？睇佢好似去度假咁，不過如果我喺嗰邊都會搵埋成班朋友同佢食飯。」
採訪：魯萍 攝影：陳志嵐
