大中華首富李嘉誠早排俾人問點樣睇大陸股市，佢話市盈率成五六十倍，太過驚人，絕對係泡沫。誠哥呢番話惹嚟大陸網友一片聲討，更有網友好唔客氣咁話：「李嘉誠你好煩，請你收口！」
88樓遊客亦話：「個市已經咁樣跌，仲咁講，想全國股民走去跳樓呀！」86樓遊客認為：「股市同泡沫根本並存，有買賣就必然有泡沫，唔好見到有泡沫就大驚小怪，滿口甲烷（放屁臭氣）。」
另外，亦有113樓遊客估：「係咪佢冇趕喺大陸牛市前入場，唔忿氣，出嚟搞事搗亂。」
有口話人 唔話自己
138樓遊客更直接：「唔通香港樓市冇泡沫咩？點解誠哥唔講吓佢自己起嘅樓有泡沫？枉我以前仲好敬佩呢個華人。」
12樓遊客插口：「佢個仔間公司夠發行啲泡沫股票，幾多香港散戶俾佢害到好慘。」
網民立場一致
15樓遊客附和：「喺內地有好多樓盤係誠哥起嘅，𠵱家又賣到幾多錢？試問有幾多老百姓買得起吖？當中又有幾多泡沫？」
http://post.cnfol.com/thread/424548.html
報料站
歡迎提供網上財經趣聞，資料一經採用，酬100元。
請附姓名、電話及電郵地址，交[email protected]