台灣性感女星蕭薔今晚會喺上海出席《群星耀東方》晚會，噚日佢喺酒店嘅洗手間，因為感到頭暈而跌低咗，仲撞親個頭，血流如注，工作人員即刻送佢去第九人民醫院接受治療，醫生建議佢做詳細檢查，大約擾攘咗兩個鐘後，蕭薔就離開醫院返酒店休息，佢經理人唔想傳媒影到蕭薔，特別用咗調虎離山計，利用假蕭薔引開記者，然後真正嘅蕭薔就從側門返入酒店。