基於明星效應，令不少泳衣品牌紛紛找藝人來行騷增加吸引力，模特兒出身、又是港姐冠軍的葉翠翠，自然成為行泳衣騷的搶手貨。
行catwalk，本來已經不是容易的事，穿三點式行就更加是高深的學問，最近有不少歌手、模特兒接連失手。做模特兒時吸收經驗，參選港姐時又經過防走光特訓的翠翠說：「做好安全措施好緊要，無論着乜衫，乳貼不可少，尤其着三點式。除咗貼乳貼，三角形嗰啲邊要黐晒膠紙，咁樣跳舞、打觔斗都唔會出事，仲有三點式最緊要係啱size，唔好因為想突出效果，就着細一個碼，咁樣好易出事。」
切勿擘髀
翠翠續說：「下身更加重要，心理上最需要係安全感，所以我着三點式行騷，我都會着多一條褲打底，仲要係着一條細一個碼嘅打底褲就最穩陣，除此之外，行騷時都要注意，唔好扮型擘腿扮甫士，港姐丁字腳就最靚，隻腳仲會好修長。」
人物誌：是非港姐星運平平
葉翠翠（Tracy）
年齡：25歲
三圍：32.5、23、36
葉翠翠前年參選香港小姐，雖然參選期間是非多籮籮，被指整容及拍過性感相，但最終順利當選冠軍，其後代表香港出戰國際華裔小姐，可惜五強不入。翠翠加入無綫後星運平平，只客串演出劇集《溏心風暴》及參演《舞動全城》，間中也會在宣傳活動亮相，近日更被袁彌明暗寸她整容兼隆胸。
採訪：楊潔雯
攝影：陳偉權
服裝提供：SistyrMoon
本欄逢周一至六刊出
