艾粒前晚於九龍灣舉行新DVD的精華片段首映禮，現場佈置成頒獎典禮般，問頒獎嘉賓陳冠希為何不帶同女友Vincy出席時，Edison笑說：「唔可以成日帶住女朋友，上次對我嚟講好大件事，所以佢先到。」莫非暗指艾粒的活動是芝麻綠豆小事？
男子組合IloveYouBoy'z最新製作的《艾粒電視台2──奸爸DVD》前晚為隆重其事，於九龍灣MegaBox舉行精華片段首映禮，會場更鋪上紅地毯，令現場恍如一個頒獎禮般。
超性感絕食一日
到場支持的藝人均盛裝出席，孫耀威穿上踢死兔、陳冠希擔任頒獎嘉賓、吳日言更罕有地以性感大低胸短裙示人。艾粒也以日本武士裝到場，更搞笑地說：「呢個DVD攞咗去烏克蘭參展，仲攞咗3個獎。」但他們連一個獎也沒有頒予DVD內的日本女主角木村乃，男、女主角獎均由少爺占奪得，Donald則得最佳服裝獎。
以大低胸短裙到場的吳日言稱因平時甚少作性感打扮，所以專程購買束腰內衣令身材看來更有線條，還笑言一整日也沒有吃過東西。曾跟Donald傳緋聞的Krusty阿Jan就穿上謝安琪結婚當天的姊妹裙示人，問正日生日的她，可會於首映禮後跟Donald回家（因二人住在同一棟大廈），阿Jan笑說：「唔會，我約咗朋友食飯。」
畀面出席當報答
問陳冠希為何如此畀面出席，他說：「我哋私下係好朋友，我喺商台第一個訪問係Donald同我做。」問他為何不跟女友Vincy一齊出席，Edison笑說：「唔可以成日帶住女朋友，上次係因為對我嚟講好大件事，所以佢先到。」
此外，艾粒表示已碌盡人情牌叫好友撐場，他們稱本身欲邀香港女仔任女主角，但大部份也因拒穿泳衣而回絕，還讚木村乃表現專業。
採訪：胡比
攝影：仇志德
