羅馬守將捷禾轉會一事觸礁，據講係同佢經理人獅子開大口有關，聽聞捷禾𠵱家極度不滿呢位仁兄從中作梗，隨時怒炒經理人洩憤！捷禾𠵱家出街會招羅馬球迷白眼，雖然球會有意留佢，但此處仇口之多，連人生安全都保證唔到，佢梗係想走啦！而捷禾想經理人同皇馬重開談判桌，畀佢最後一次機會！