「喺男朋友電腦發現咗一張合成相！」「baibe公主」與男友感情不俗，日前卻發現了這個驚天秘密，令她芳心大亂，「係佢同一個我唔識嘅女仔，好似影合照咁嘅合成相，仲要有個心形圍住佢哋。佢部電腦前排先format過，連我啲相都冇晒，反而有呢張相。」
雖然「baibe公主」自我安慰「好彩只係合成相啫」，但又想問清楚男朋友相中女孩來歷，「問唔問佢好？」迷你論壇網友最愛做愛情顧問。
齊做顧問團
靖琳認為唔使審，「一男一女，如果冇嘢嘅，使乜整個心形圍住呀？我覺得至少其中一方係有啲嘢啦，你男朋友呢排有冇咩古古怪怪？有冇成日有女仔打畀佢，之後佢會行開一邊，神神秘秘咁傾電話？」靖琳說：「觀察一排再搵機會問吓佢啦。」
「問吓冇壞，但千祈唔好用審問口脗。」「奧脫福的執波仔」建議「baibe公主」冷靜一點，「因為你唔知張相係佢自己整，定係人哋無聊整蠱佢啫。」
終於開口問
網友教路後，「baibe公主」終於開口問了男朋友，得到的答覆是相中女孩是網上認識的朋友，很久之前大班朋友外出時拍攝，至於為何有心形圍住兩人，「佢話唔知喎。佢講我咪信囉，佢唔會呃我嘅。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]