先排城中政商名人逢親響公開場合蒲頭，例必俾人問「有冇認購新股？」但由上個禮拜開始，若然個名人係男性，就會俾人問「你有冇去過處長幫襯嗰間MustKara唱K？」咁問就即管問，但雖知道嗰間真係有別於乜Box物Box，試問點會有人認呢？講開呢間「處長嘅鐵竇」，不妨同大家分享趣事一則！
當年金融風暴仲未殺到嗰陣，各行各業搵到錢嘅一班所謂精英，個個夜晚走去做其火山孝子，當中又以地產界最積極！
好似某地產代理咁，每次已婚嘅老闆帶隊，先去中環某Disco卡拉OK獵食，試試自己嘅魅力兼諗住唔使畀錢，一個禮拜至少三晚，當然禮拜四Lady'sNight實見到佢同班𡃁，班友仔直頭好似sell樓盤咁sell自己，仲派埋卡片！
成日食白果
咁啲女仔又唔係同佢哋講心，通常嗲得一陣，就睇睇有咩着數，但呢班地產佬唔靚仔之餘仲衰孤寒，連幫人埋單都唔肯，於是成日食白果。
最搞笑係喺Disco門口會見到好多xx地產嘅卡片撒到一地都係！
至於話呢班友仔食白果之後點？出糧個幾日咪轉場畀錢搵食囉，其中一間就係MustKara響灣仔嘅前身喇！至於話係咪就咁望住個海景唱K……你話呢？
[email protected]