金庸小說《天龍八部》中南帝「一燈大師」的武學絕技「一陽指」重現江湖？網友Sophia近日在香港討論區發表的「傳說中嘅一陽指」的圖片中，只見一名金髮男童隨隨便便地伸出左手手指一劃，手指觸及之處，整排約半吋粗的鐵欄杆就一一斷裂，其「功力之深」，令見慣大場面的網民都為之咋舌，接連驚嘆高喊高手、機械臂、魔童……
一燈大師要重學
「勁到無嘢好講」、「一睇就知個細路內力深厚啦。」中神通王重陽當年賴以大破西毒歐陽鋒的蛤蟆功的絕學武功一陽指，威震武林，雖然沒有人親眼目睹其威力如何強勁，但當網友高叉森米看見男童露一手「新一陽指」後，驚嘆說：「終於見識到喇。」tom123更誇張地說：「一燈大師見到，都要重新學一陽指。」
豬詩剛剛問：「勁呀！細路，教吓我吖？」Donny就接着說：「好搞笑，唔知邊度學嘅呢？」提問無人解答，但「閒事莫理」就兇惡地說：「唔好指我呀，手指都剪斷你呀！」網友silly_catt提出質疑「張相唔makesense，啲鐵應該向右彎……唔係向出。」redskyhk也有同感，「他向右掃，不過啲鐵枝不是彎向右邊。」