「無端端又會打起嚟嘅?」網上流傳三幅「蠱惑貓大戰戇直狗」的圖片,只見貓兒甫出場就先發制人,抓住小狗的後頸,小狗力拒來犯,最後忍無可忍,一把將貓兒推倒地上,跌個四腳朝天。網友盛讚兩隻小動物好可愛,「哈哈,隻貓似講數講輸咗」、「好似兩公婆打交咁」、「第三張好好笑,隻貓碌咗落地。」
網友感嘆:「隻貓膽生毛,竟然同狗打架?」「好似係佢自己撩人先㗎喎~~隻貓真係不知天高地厚呀~~」結果正如牙俊所說:「隻貓仔開頭處於上風,但最後卻給那隻狗仔一擊反勝了。」看過最後的一幕,網友說:「阿貓貓最後好似呆咗咁。」「你睇吓最後嗰幅相隻貓仔嘅表情,充滿咗震驚同意外呀。」
「應該相親相愛」
大戰過後,斯圖卡抹一把冷汗說:「好彩狗仔俾條繩拉住,唔係隻貓仔就……不堪設想了。」fjkv則指出「第日隻狗再大啲都唔知點算~大家應該相親相愛嘛~」