組合Twins成員鍾欣桐（阿嬌）近日除被指與方力申復合外，更有傳與麥浚龍（Juno）秘密拍拖半年，昨日阿嬌和Juno各自出席活動，均否認緋聞。
阿嬌昨日與蔡卓妍（阿Sa）到大球場出席回歸活動，談到與Juno傳緋聞時說：「好無聊，唔回應。」問二人是否朋友？她勞氣地說：「唔講得嘢咩？正常招呼都會打啩。」問會否覺得Juno博宣傳？阿嬌謂不回應。有指霍汶希謂她與很多男生有糾纏，阿Sa即代為解釋：「都唔係佢糾纏。」阿嬌也扯火說：「唔係我糾纏，係人哋寫，關我乜事。」
笑談黑面
阿嬌被網民選為黑面神No.1，她笑說：「啲網民都話我冇資格入選，因為我鏡頭前後都黑面喎。」
Juno昨跟吳日言在奧海城出席活動時，強調跟阿嬌沒私下約會，問他有否阿嬌電話？他說：「我有好多朋友電話，係咪代表我哋拍拖？其實我鍾意send短訊多過打電話。」吳日言前晚出席另一活動時談到被指跟Juno有過一段情，她說：「話我01年同Juno傳緋聞，但我04年先入行。」
採訪：駱華齡、胡比
攝影：仇志德、陳俊強