陳凱歌（小圖）執導嘅《梅蘭芳》前日喺北京開鏡，兩位主角黎明同章子怡都冇出現，不過其他演員如孫紅雷同日本演員安藤政信（左）就有出席拜神。今個禮拜四呢部戲會再搞一個記者會，到時所有演員就會到齊。安藤政信今次喺部戲度飾演日本軍官，前日佢一身便服出席開鏡禮時，佢第一時間同導演打招呼，然後就捉住導演傾劇本。