胡杏兒和黃宗澤昨日於元朗南生圍拍攝無綫新劇《我的野蠻奶奶2007》，杏兒化身黑豹女郎，造型激似電影《赤裸羔羊》中扮演邱淑貞師傅的姚煒，她笑說：「劇入面講佢（指黃宗澤）做廣告嘅，咁我知佢要搵豹女郎拍廣告，我咪自告奮勇去扮豹女郎，希望可以討好佢。」
宗澤：乜look都OK
杏兒自言平時甚少以狂野打扮現身，她說：「我都未試過化咁濃妝，怕出街嚇親人，不過今日真係好熱，又要帶假髮，好辛苦。」問其緋聞男友黃宗澤可覺得她狂野，杏兒說：「我都冇問佢。」不過黃宗澤對杏兒的豹女郎造型甚為欣賞，但他自言較喜歡平日的杏兒：「我之前仲問佢係咪扮梅姐（梅艷芳），佢喺劇入面好百變㗎。」問他可覺得杏兒今日特別狂野？他說：「佢鍾意點就點啦，我冇話鍾意佢乜look，咁佢乜look都OK㗎！」
採訪、攝影：王崇穎