房祖名、余文樂、江若琳及謝霆鋒昨日在奧海城宣傳新片《男兒本色》，與現場觀眾玩拗手瓜遊戲，房祖名與一女fans比試，祖名面有難色說：「我贏又唔好，輸又唔得，點算？」不過他最後也讓賽。而江若琳與男fans拗手瓜，都因對方讓賽而勝出。
擺甫士鬥型
其後眾演員與小fans玩遊戲鬥擺型仔甫士，余文樂拉低小男孩的短褲，小男孩即尷尬抽褲，令樂仔笑到碌地。樂仔與江若琳在戲中演情侶，更有接吻戲，樂仔說：「原來佢同我個妹係同年同月同日出生，好彩拍完親熱戲至知，唔係我真係拍唔到，因為個感覺好似對住自己個妹咁，我大江若琳六年，我接受唔到細我太多嘅女仔做我女朋友，頂多三、四年，以前女朋友都係大過我，成熟啲唔使解釋咁多嘢。」
採訪：魯萍
攝影：林德雄