經歷失敗婚姻嘅翁虹，早前已經有第二春，仲有咗5個月身孕，𠵱家安胎，專心做媽咪。佢日前接受華娛衛視節目《靜距離》訪問，現任丈夫劉先生（左）都陪太太出席，原來佢哋相識5個月就決定結婚，劉先生為咗畀翁虹信心，婚前提出要女方簽份協議書，主要係唔可以隨便提出離婚，同埋遇到工作影響感情，要優先考慮感情，佢哋又話唔可以有家庭暴力。