澳門賭業方興未艾，但係種種迹象顯示，局中人都唔係太過睇好呢壇東方蒙地卡羅、亞洲拉斯維加斯嘅長遠發展。正當金沙集團嘅威尼斯人賭場兼度假村如火如荼即將入伙之時，永利就玩縮沙，將本來幾百張賭枱嘅第二期項目，變咗做25張賭枱，寧願開多幾間名店，都唔繼續沉迷賭博。
永利當然唔會公開承認佢哋唔睇好澳門賭業，但係今個月，佢哋就請咗喺半島酒店做過總經理嘅高哲恒（IanCoughlan）做總裁，原來嗰位一哥澳洲人簡博賢（GrantR.Bowie）就要執包袱。半島係名店林立嘅五星級酒店，史提芬永利睇中Ian，唔通搵佢幫手睇住賭枱咩？梗係積極發展酒店同零售業務啦。