每個人都有自己喜歡聽及喜歡唱的歌，到卡拉OK點唱也各自有其必唱曲目，關菊英唱歌數十年，她的愛歌又是甚麼？
最愛聽的歌：《講不出聲》關菊英
「對上一次推出新歌係80年代尾，隔咗咁耐有首為自己度身訂做嘅歌，又hit到，聽親都好開心㗎。」
最能代表自己的歌：《狂潮》關菊英
「呢首係我第一次唱長篇劇集主題曲，喺70年代令到大家都識關菊英，??家過咗30幾年，大家仍然都知，好似trademark咁。」
失戀時聽的歌：《把悲傷留給自己》陳昇
「呢首歌啲歌詞好偉大，聽落好感動，情侶分手最緊要好嚟好去嘛。其實我冇試過失戀痛苦，我咁大個人會好理智。」
逝去的愛情主題曲：《花心》周華健
「十幾年前喺加拿大拍拖嗰段時間，我好鍾意聽呢首歌，唔止旋律同歌詞好，畀我個feel都好好，但唔知嗰陣男友鍾唔鍾意呀，我冇問過佢。」
唱得最多的歌：《狂潮》、《倆忘煙水裡》
「都試過唱呢兩首歌唱到覺得有啲悶，不過每次唱時，面對嘅都未必係一樣嘅觀眾，咁人哋會覺得，呢啲係你嘅主題曲，你冇理由唔唱。
生氣時聽的歌：《嘥氣》肥媽瑪莉亞
「聽到肥媽好有力咁唱《嘥氣》，即刻提醒自己，有乜好嬲呀，真係嘥氣，咁就自然順番晒條氣。」
演唱會必唱曲目：《狂潮》、《倆忘煙水裡》、《過客》、《講不出聲》、《為我獻上心韻》
「講住5首畀你哋知啦，呢啲都係我自己嘅歌，我仲會唱啲人哋嘅歌，唱乜嘢就賣個關子先，其實我會將部份嘅歌變化少少，重新編曲嚟唱，等大家有啲新鮮感。」