暑假8月《阿森一族大電影》香港上畫，少爺占有份一人分飾幾角，作聲音演出。呢套自87年於美國首播，至今已第18季的長壽卡通，亦係阿占多年來創作的靈感來源。今個月bossini會率先推出Simpsons搞鬼Tee，阿占搶先着上阿Bart，代百厭仔同大家講句「好久不見」！
記者︰陸俊雄
攝影︰周旭文
百厭仔係靈感來源
「苦榮明抄佢喇！」少爺占大笑︰「初期我有份寫苦榮劇本，特別係苦榮同小苦妹，唔多唔少有啲似Simpsons阿Bart同佢個妹。苦榮同阿Bart一樣，懶叻但又好蠢，成日扮到自己好壞。」
套劇由細睇到大，潛移默化。所以創作ILoveUBoyz時，坦言好自然會滲入Simpsons嘅「衰衰格格」搗蛋橋段。「我好細個開始睇Simpsons，記得第一次係睇亞視。當時最吸引我係踩板好勁嘅阿Bart，好多細路都好似我咁，幻想自己係個板仔。」香港人飲日本卡通奶水大，但偏偏阿占對日本卡通冇乜好感︰「大團圓結局嗰種唔啱我。」連艾美獎都拎過，曾經在美國獲獎無數的Simpsons係非一般卡通，故事講美國中產家庭所面對嘅問題，夠晒諷刺時弊。阿爸Homer中年失業危機，大仔Bart百厭到出汁惹麻煩，而市長更係鹹濕佬一名等。阿占大讚︰「佢講得最好係中產承受好多壓力，其實唔淨只美國，香港都一樣。」有角色選擇逃避、選擇搞破壞、反建制，或做出異常行為，Simpsons確係套反映社會的處境劇。
表弟送阿Bart公仔
做得Simpsons卡通忠實粉絲，阿占亦收藏唔少Simpsons產品，佢話對其中一個起晒色斑嘅阿Bart毛公仔最有感情︰「呢個公仔係表弟90年時送畀我，當時佢得3歲咋！雖然Keep到今日已經起晒斑點，不過我就最鍾意呢種VintageFeel。」阿占仲笑言︰「佢值5百萬。」阿占話收藏品大多來自美國和英國，朋友去旅行時咁啱行過見到，都會買畀佢做手信。Homer一家當然印象深刻，不過阿占對小丑Krusty亦特別有好感︰「你睇番咁多人物，個個都黃色凸眼，惟獨小丑造型最唔同，佢係鎮中最邪惡嘅代表，不斷做衰嘢。」
卡通Tee723發售
HMV間中見過SimpsonsTee，可惜款唔多，今次bossini就會喺7月23號會推出一大批SimpsonsTee，好似阿占一樣嘅粉絲今回可以揀餐飽。衫分大人同小童兩種，大人主要係黑白Tee，小童款就色彩比較多。唔怕講畀大家知，少爺占身上兩件，都係小童大碼。如果你同佢一樣咁Slim，買小童款最正。
大人系列
童裝系列
查詢︰bossini（23711633）
同場加映 BartSimpsons擺設
因為電影上映，香港最近出現一大堆Simpsons玩具擺設，由McFarlane製作，水準相當高！
ToyHunters（23884677）
旺角兆萬中心2樓216-218號舖