前晚張栢芝的「老爺」鬍鬚Kong在尖沙嘴洲際酒店舉行60歲大壽及榮休派對，但卻未見新抱栢芝到場祝賀。栢芝老公謝霆鋒於晚上約8時單人匹馬到場，問他栢芝何時生產？霆鋒即戲弄記者說：「返緊幼稚園啦。」
「忙緊煲薑醋」
奶奶狄波拉被問到是否因孫仔快將出世，故暫時不便外遊？拉姑說：「係啦！𠵱家忙緊煲薑醋。」
此外，霆鋒昨日在奧海城出席電影《男兒本色》宣傳活動時，為栢芝缺席前晚的Party解畫說：「栢芝想去，但我唔想，因為太多傳媒影相，會好混亂，我唔希望將榮休Party嘅focus放喺栢芝身上，今日已經有狗仔隊喺我屋企樓下等。」
再問霆鋒是否已準備好太太產子事宜？他語帶雙關暗寸徐子淇說：「我冇人哋咁犀利，我只係包咗張床，亦冇寧波車，BB車就準備好。」問他會否為栢芝安排六星級產房，霆鋒說：「我乜都唔係，我個仔同任何人嘅仔一樣，唔需要隆重其事。」
採訪：張俊銘、魯萍
攝影：陳順禎、林德雄