天時暑熱，蚊蠅肆虐。早前有馬鞍山居民趁國家主席胡錦濤到訪時反映蚊患問題，憑着胡總一句：「這些問題交給特首，他很快解決」，結果不足24小時便解決。近日網友AMD2500指「青衣好多烏（蒼）蠅仔」，有網友甚至說一晚殺了幾十隻，蚊蠅問題似乎還未解決。
來自沙田、旺角、屯門、元朗、深水埗、西貢的網友們七嘴八舌地回應蒼蠅等飛蟲乍現情況說：「噚日殺咗成十幾隻」、「細細隻黑黑灰灰咁，飛嚟飛去好煩」、「屯門都好多」、「我住沙田都好多，今晚殺咗幾十隻。」
自稱家住旺角的網友指出：「每晚起碼殺20隻，頭先出去TST（尖沙嘴），一有燈嘅地方就見到一堆黑色嘅嘢摟住，點解會咁多嘅呢？」
「會唔會代表有咩災害」
「平均1日殺30隻左右，唔開窗嘅話就成個窗都係，因為佢哋勁想撲入我家中盞燈度。」署名「愛得太遲」的網友將烏蠅侵襲的情況形容得繪影繪聲，有網友呼籲貼出滅蠅戰績，但當有網友真的將照片貼出來後，又有無聊的網民進一步發問：「烏蠅絕種對地球有咩影響？」
結果，只有網友北村健回答：「各位屋企都係咁呀？我都係呀，會唔會代表有咩災害發生呢？」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]