追求真愛拒激情

追求真愛拒激情

「我成個人生都幾好,朋友多,貴人亦多,即使現時新相識嘅朋友同記者,都對我好友善。」關菊英自覺是個開心快活人,即使因工作忙碌而無病呻吟,呻完就會忘記。上一次流淚是兩年前親人離世,她說:「其實我都算係感性嘅人,只係好多時喊都情願唔俾人睇到。」

「男人外表唔重要」

與黎小田失敗的婚姻,沒有影響她對愛情的信心,只是人漸長,追求的已不一樣,關菊英說:「我仍然相信愛情,冇愛生存唔到,愛有好多種㗎,家人嘅愛、朋友嘅愛都係好真摯,有時仲好感動。」當然,沒有人想孤獨終老,關菊英這年紀要的是細水長流的感情,「唔使咁激情,只要有feel、對我好、有經濟基礎、心地善良、有愛心、對我同我家人朋友都要好,外表已經唔係最重要。」會否再婚則隨緣,關菊英不怕沒有男人,不怕沒有子女,不怕老,她說:「人人都會老,生、老、病、死,呢啲就係人生,我只係最怕病。」