食飽睡一睡，好過做元帥。「lingko86」習慣每日午飯後在公司「偷閒」瞓一陣晏覺，所以平時都極速吃完午飯，然後趕返公司搵周公，不過近日這習慣卻受打擾，令他甚為煩惱。
「lingko86」說，由於他要返夜學，所以瞓晏覺對他很重要，不過近日有個同事經常找他一同午飯，同事卻是慢郎中，午飯時間要等15分鐘才離開公司，食飯時間要40分鐘，連來回時間，一小時午飯時間剛好完結，「搞到我完全冇得小睡，日日lunch完個幾兩個鐘都做唔到嘢，好辛苦。」
「唔想同佢食飯」
他說大家同事一場，「雖然我好唔想同佢食飯，但又唔想開口傷害佢，大家教下我點做。」原來不少打工仔都有飯後小睡習慣，有人建議他自備飯盒，不外出吃飯便有時間小睡，不過「lingko86」稱這位同事又會帶飯，飯後就會叫他一齊打NDS，「冇得避，都係無覺好瞓。」網友「Heroro」說也曾遇過類似麻煩同事，「我最後解決方法就係留喺公司食飯，一夠鐘就開始食，食嘅時候唔講嘢，食完返位上網，之後直接話要瞓覺，久而久之，佢就搵咗第二個人陪佢食飯。」