周汶錡（Kathy）出任Bella代言人多年，昨日她聯同馬國明及崔建邦到尖沙嘴為男士中心擴充撐場。穿上一條低胸裙的她十分漂亮，吸引大班自由行旅客及拍友圍觀，馬國明為她戴上絲巾時更笑言手震。
Kathy透露性感裙子由大會安排，她說：「我之前冇試過，好彩一着就啱，同埋我做足安全措施。」問到有沒有替男友Julie護膚，她說：「佢識自己嚟，同埋佢有脫胸毛。」男友胸毛濃密，不覺性感嗎？Kathy說：「呢啲係個人衞生問題，太多毛會有細菌㗎。」
絕非乸型
對於言承旭會脫腋毛，周汶錡表示能夠接受，她說：「夏天會出汗，夾住兩嚿毛都唔知為乜，男人脫腋毛都唔一定係乸型。」提到曾與她爆罵戰的蕭定一旗下整容三嬌Freeze的假胸遭關淑怡藐視，她聞言說：「我唔喺現場喎，唔好問我，我唔想幫人做宣傳。」
採訪：GeneNg
攝影：RickyChan