袁彌明近期多次暗示葉翠翠整容隆胸，昨日兩人狹路相逢，一同到澳門擔任賭場嘉賓，更不約而同地穿上低胸紅裙大騷身材，雖然兩人揚言平日都有見面，但昨日她們明顯甚少交流，擺明面和心不和。
與葉翠翠同年參選港姐的袁彌明，近日在個人網誌內頻頻發功，既彈鄧麗欣（Stephy）扮才女，又暗示同屆港姐冠軍葉翠翠整容隆胸，即時成為新一代是非精。
怕尷尬扮老友
昨日袁彌明與葉翠翠、陳自瑤（YoYo)及Rosemary一同到澳門，為星際賭場的角子機啓用儀式擔任嘉賓，袁彌明及葉翠翠不約而同以性感低胸紅裙上陣，但擁有35D火爆上圍的袁彌明看來較搶鏡，還不時露出胸圍邊。兩人又被安排在台上排排企，結果要扮老友以免尷尬，可惜她們話題不多，明顯有心病，而葉翠翠更不時跟站在另一旁的Rosemary聊天。
問葉翠翠與袁彌明同場會否尷尬，她說：「我哋喺公司成日都見到，我同佢都冇嘢。」那麼她有否看過對方的網誌內容？葉翠翠說：「呢啲新聞成日都發生，我好少理。」而袁彌明則說：「我哋喺salon都有見面，又有通電話同共識，我哋啲醒目女知發生乜事啦。」提到她在網誌內先後彈Stephy及葉翠翠，袁彌明對此說：「Stephy嗰次只係我自己睇法同經歷，其實每個artist都應該慎言，個blog係畀人認識我，以後可能寫多啲工作啦，總之清者自清，如果想認識我應該睇我寫嘅嘢，而唔係睇第三者寫嘅囉。」
YoYo力證有工開
此外，有消息指無綫寧願放棄陳自瑤，也不願放棄她的前男友蔡淇俊，YoYo對此說：「我冇聽過公司有咁嘅消息喎，近日工作都冇少到，其實𠵱家日日開工拍劇，收工返去都好攰喇，所以都冇留意呢啲新聞。」而與好姊妹AnaR.反目的Rosemary則表示仍於酒店居住，她說：「酒店幾好吖，又靚又nice，要對自己好啲。」
採訪、攝影：藍文浩
