姜文執導嘅《太陽照常升起》噚日喺北京舉行記者會，除姜文外，呢部戲嘅演員陳沖同房祖名都有出席，會上仲首度播放咗預告片，當中竟然有一幕祖名背部全裸小便嘅鏡頭。哈！諗唔到祖名未繼承到老竇成龍嘅武打巨星衣鉢，但銀幕露股呢招佢就跟成龍學到嘢啦！睇唔出佢都幾白淨，皮膚幾好喎。
陳沖硬銷性愛場面
祖名喺現場好專心睇番呢幕全裸戲，現場嘉賓都覺得幾震撼。其實佢拍呢場戲時，前面做足防走光措施，所以佢好放心。當主持問祖名同陳沖部戲有乜嘢賣點？陳沖衝口而出話：「房祖名的做愛戲！」這話令在旁嘅祖名倍覺尷尬，佢話嗰場做愛場面唔係咁厲害，絕對唔係賣點，因為連點都冇露，點算係賣點呢。
陳沖呢次同姜文合作拍戲，做十三點角色，佢覺得有發揮，同時又讚導演好細心，陳沖話：「導演連鈕釦的形狀、衣領是圓的或是方，都會十分留意。有次，他甚至連我要穿甚麼類型的胸圍帶才令人覺得誘惑也要提點，真是十分細心。」
