中國人向來鍾意買樓，死慳死抵都係為咗層樓。網友Bombmehk認為：「買樓等於儲錢，買咗樓，乜都變得慳啲使，食飯都係食廿蚊，財富就係咁不斷累積返嚟。」
手診王非常同意：「買樓令到人生有目標，儲錢供樓，係一個簡單又有效嘅累積財富方法。」Golf-GT亦話：「迫住你一定要儲錢，十年後點都有啲揸拿。」
不過，Victoriaahpak覺得兩睇：「錢係儲到，但供樓一闊三大，乜嘢生活習慣都變晒，出街買衫食飯都少咗。」Ssshiu都話：「自己嘅消費係少咗，但屋企嘅支出就多好多！」
Kingmanja就認為：「儲錢有好多方法，唔一定要買樓，最緊要係識得理財，唔識理財就算有多多錢都唔夠使，但偏偏學校從來都唔教學生理財。」
一身債 供半世
Hkps3-4話：「好多負資產業主，最開頭都係諗住買樓儲錢，點知欠落成身債。」
美容新丁認為：「為咗層樓，食唔捨得食，着唔捨得着，但層樓隨時都可能變成負資產。好嘞，以為供晒甩身，點知樓齡成三四十年，冇人買，惟有等人收購重建，維修又唔少錢，你話幾咁麻煩吖！」
http://www18.discuss.com.hk/viewthread.php?tid=4711999&extra=&page=2