「袋冧」做咗「城隍」嘅情人之後，撈到風生水起，月入十幾萬，確係唔講得笑。其實袋冧舊年啱啱嚟香港發展嗰時，同身邊朋友提過自己好有野心，一定要撈得掂至返鄉下，原因係佢細個時太窮，仲係窮到你唔信嗰隻，所以佢誓要改變自己嘅命運。袋冧一位朋友話畀關仁知，袋冧媽咪以前喺內地一間醫院做嘢，爸爸就做出賣勞力嘅粗重工作，屋企喺舊區，地方細到兩步行完，所以佢爸爸要喺屋外面搭建嘅廚房度，間張床位畀個女瞓，呢間「房」只係得一個床位，冇枱冇凳又冇櫃。為咗慳得就慳，佢媽咪仲會喺醫院拎啲繃帶返屋企，當百潔布咁用嚟清潔，可想而知袋冧細個時生活有幾難過啦。𠵱家佢能夠打響名堂，都算光宗耀祖，可以大搖大擺返鄉下威威啦啩？
Textby關仁
