點解智利喺美洲盃俾巴西大炒6:1？衰球員喪蒲囉。話說成班球員對巴西前有晚劈酒劈到天光，仲衰到性騷擾酒店女職員。呢件事搞到有6名球員，包括隊長華廸維亞、射手拿華亞被足總重罰國際賽停賽20場，兼扣埋比賽獎金。智利冇幾件主力，嚟緊世盃外唔慌有好成績，難怪教練阿哥斯達早幾日掛冠鬆人囉。