美洲盃4強俾巴西以12碼擯走後，烏拉圭教練泰巴利斯狠批賽會偏袒，要佢哋用舊更衣室，而巴西就用新建更衣室，搞到佢哋賽前已輸一仗咁話，虧佢連呢啲啜核藉口都諗到，確係「賴地硬」始祖！而烏軍前鋒科蘭輸波後連夜失眠，我求大俠就望佢早啲唞，事關佢差唔多要去新東家馬體會報到，怕佢季初操唔起就弊喇！