譚詠麟（右）新國語專輯下月頭推出，所以呢兩個月佢要飛嚟飛去四出宣傳，佢早前應緬甸旅遊局邀請出席緬甸仰光舉行嘅翡翠交易會，因為現場嘅翡翠價值連城，所以阿倫今次有幸成為首位海外藝人獲准到交易會場內拍攝，認真威水。阿倫乘機四圍遊覽，仲無懼肚痛四出食街邊小食，仲同啲小食店檔主有傾有講打成一片㖭！