香港人生活緊張，工作繁忙，想懶都幾難。不過講到發音，就要試吓大聲讀出「郭、國、過、光、廣」等字，測試自己有沒有講懶音。高登討論區的網民「SunYanzi」指出，港人的懶音多不勝數，聽之令人生厭，例如「好光」就讀成「好剛」，「廣州」就讀成「講州」。
另一網友「我有鏟車牌」認為最經典懶音詞彙是恒生銀行讀成「痕身銀寒」，幾乎係香港人都讀錯過。
不少網友指懶音現象與家長發音不準確有關，「小樹林」表示，「之前嗰代人，好多都係大陸落嚟，本身都唔識廣東話，識講都會帶口音，所以唔識教仔女讀正音。」他說新一代父母教育程度較高，本應不難改善問題，但人人對懶音習以為常，想改都難。
為糾正港人懶音陋習，網友「不教度陰山」建議會考應該加考正音，「Sab15」接受懶音文化，「重要係溝通到，有冇懶音唔係問題。」