去年無綫節目《美女廚房》成功搶灘，除了帶挈周中師傅人氣急升外，於節目內以養眼打扮穿插其中的「粥、粉、麵、飯」也順利跑出。扮演阿「麵」的謝兆韵更因此獲得不少工作機會，但剛動激光矯視手術的她不能在夏天落水暢泳，惟有搵水莫嬉水。
炎夏來臨，謝兆韵（Wasa）以一身比堅尼泳裝拍泳灘照，現年21歲的Wasa最大的本錢便是青春，穿上泳裝的她充滿陽光氣息。
做矯視手術
去年播出的無綫節目《美女廚房》收視爆燈，節目中扮演「粥、粉、麵、飯」的四位美少女開始被觀眾認識，當中扮演阿「麵」的Wasa表示炎炎夏日最喜歡到泳池暢泳，她說：「我多數會去維多利亞公園泳池游水，不過我啱啱做完激光矯視手術，醫生話唔好游水住，所以今個夏天惟有暫時放棄呢個最佳嘅消暑活動。」
盼多演劇集
Wasa近期除了在節目《一擲千金》中擔任千金小姐外，更有份參與劇集拍攝，包括在早前播出的高收視劇集《師奶兵團》，飾演陪酒女郎，目前正拍攝新劇《秀才愛上兵》中飾演歌姬，她說：「做完《美女廚房》之後都多咗人識，又接咗個廣告同埋幾個商場騷，加埋都賺咗5位數字，嚟緊希望拍多啲劇，做多啲唔同嘅角色。」
其實Wasa出身自無綫第20期藝員訓練班，入行前並未做過有關演藝的工作，去年憑《美女廚房》中的阿「麵」為觀眾認識，刻下演出機會不斷，令其知名度大大提高。
採訪：卓美娟 攝影：陳志嵐
