一年前的徐淑敏（Suki）仍是寂寂無聞的model仔，去年以大熱姿態參選港姐，三甲不入，只奪得外間以為係雞肋的「旅遊大使獎」，卻造就她成為旅行社廣告旅遊大使、節目主持兼拍劇集的機會；早前更跟星級化妝師RickChin合作，為easeforeast（東方瑩肌）拍廣告。Suki備受力捧，恰巧「東方瑩肌」又調整價格，大家齊齊升級上位，襯到絕。
記者：盧家蕙
攝影：伍慶泉
Makeup&Hair：Kinki
Wardrobe：breadnbutter
唔可以早婚
原來Suki入行前已情迷相學：「我最滿意自己邊部份？應該係笑容，因為笑起嚟夠親切，我一唔笑、唔出聲就好cool。師傅就讚我眼形靚，大而有神。最唔滿意係顴骨位，師傅話我顴骨唔夠突，顴骨有肉，自然咁凸起就代表可以掌握權力！」
之後她逐步拆解自己面相：「額頭要寬大、飽滿先有運行，你睇我鼻樑有摺位，即係唔可以早婚，所以要專心事業。」年紀輕輕便滿口權力、遲婚，無非想話自己唔會閃電結婚，事業大過天，睇來Suki誓要爭入花旦行列喎！
工作忙自然瘦
剛播完的《緣來自有機》，螢幕上的Suki，跟我眼前的相比明顯不同，唔算包包面，手腳纖瘦，皮膚沒長痘痘。「係呀，嗰陣天氣凍，又要不斷補妝，皮膚底層亁爭爭，搽乜都冇用啦！」小記問她當時是否爆瘡，她即時澄清：「呢粒係癦嚟㗎，脫咗幾次都生番出來，激死我，所以成日要用concealer遮住。」至於keepfit問題，她說工作忙碌自然瘦：「自己睇番做《最緊要正字》時真係圓碌碌，經過纖體療程後啲肉唔再鬆泡泡。加上工作令人好攰，但每晚瞓覺前我都至少做30下sit-up減小肚腩；平日飲多啲薏米水或冬瓜湯，便有效排濕毒同去水腫。」
皮膚亁燥易敏感
肌膚缺水易敏感，仲要經常捱更抵夜，Suki卻自有一套護膚心得：「清潔功夫一定冇得偷懶，返到屋企無論幾攰我都一定用卸妝油卸妝，再用潔面泡多洗一次，然後拍爽膚水同搽潤唇膏。以前我會用麥皮、牛奶及蜜糖各一湯匙，攪勻後『叮』一分鐘，直接敷面，皮膚即時滋潤番晒。」
Suki話就算用好貴嘅名牌卸妝油，如果唔啱皮膚一樣會甩皮。「但試過easeforeast潔面產品，估唔到洗得亁淨之餘又冇敏感，真係有啲驚喜。」
四級跳
改頭換面 升價幾倍
easeforeast（法國東方瑩肌）最新推出的RickChin×CleanMeUp潔膚系列，Suki大力推薦其卸妝油及潔面泡沬；其他新推出的護膚品由於轉包裝、改成份，又有兩大紅人做代言，即時升價幾倍。
（右起）控油清爽潔面泡沫、2合1卸妝油、控油清爽潔面啫喱及2合1卸妝啫喱各$89.9
極速水療5.5──膠原美白保濕露$89.9
含骨膠原及海藻提取液，可深層保濕及修護細胞。
24小時急救亮白日間啫喱（右）及晚間乳液（左）各$139
獨有燕窩配方，聲稱只需5秒鐘，即可淨白柔滑肌膚，急救倦容。
2星期激白再生面膜（配去角質啫喱）$179
含珍珠水溶液、絲蛋白等成份，可抑制黑色素、雀斑、色斑等。
售賣點：全線萬寧