時裝設計師何國鉦前晚在尖沙嘴出席「當家之選」頒獎禮，他透露早前曾邀請徐子淇出席一個動物慈善活動，但被徐子淇的家人推掉，原因是她臨盆在即。而何國鉦還表示會送贈粉藍色童裝予對方作BB禮物，暗示子淇腹中塊肉是男嬰。
新城電台前晚在九龍香格里拉酒店舉行「當家之選」頒獎禮暨慈善晚宴，選出八位熱心公益的城中企業才俊，包括設計師何國鉦、白花油王子顏福偉、美心集團董事總經理伍偉國、震雄集團的蔣麗婉和富豪酒店國際控股有限公司、世紀城市國際控股有限公司、百利保控股有限公司執行董事羅寶文等等，並由梁漢文和泳兒擔任表演嘉賓。
拒出席動物騷
徐子淇近日臨盆在即，甚至一度有傳她已經分娩，前晚何國鉦被問到此事時，顯得十分驚訝，他說：「生咗？上個禮拜我見佢老公，佢老公都未講，我知佢就快生，一兩個星期前我想搵佢做一個動物慈善活動，但佢屋企推咗，話佢隨時生得。」
何國鉦又說：「我諗過送大肚裝畀佢，𠵱家就嚟生得，我都係送童裝畀佢。」記者問他送粉藍色還是粉紅色童裝時，他笑說：「我估粉藍。」那麼何國鉦是否已知道徐子淇腹中塊肉的性別？他說：「冇，感應啫，睇佢體形，我覺得係粉藍色。」
另一方面，前晚胡楓（修哥）與契女出席頒獎禮，近日有傳肥姐沈殿霞健康狀況欠佳，對此修哥說：「我有同佢通過電話，佢冇事，大家可以放心，我叫肥姐唔好打咁多麻雀，唔好食咁多肥膩嘢，佢家姐都話佢冇事，叫我放心。」
梁炳寸側田勁
此外，近日有消息指黃栢高（Paco）要求側田不要飲酒夜蒲，結果被側田粗口問候，氣得Paco轉捧來自澳門的男新人小肥，跟側田同一公司的梁漢文對此說：「鬧老闆話題敏感，唔回應啦！乜𠵱家啲小朋友咁勁？」
採訪、攝影：李珮洳
