夏日炎炎最好就是去沙灘暢泳消暑，但簽了新經理人公司、成為「晶女郎」之一的梁敏儀（Winnie），因為準備於今夏拍攝一部古裝劇，故被禁曬太陽，所以她這個夏天要另找消暑良方。她說：「我好鍾意水上活動，本來今年打算學滑水，但公司唔畀我曬黑，惟有自己喺屋企，開大冷氣食西瓜消暑啦！」
翻船撞爆眼
提起水上活動，Winnie卻有可怕經歷，她說：「早幾年我玩香蕉船，點知翻船時俾人哋個膝頭撞到我隻眼，整壞咗我隻眼嘅軟骨組織，搞到要休息三個月先消腫。𠵱家提起香蕉船我都驚驚哋，但滑水太吸引，玩嘅時候覺得好free。」
另外，為了拍古裝劇，Winnie要瘦身，她說：「冬天肥啲，𠵱家我已經瘦咗10磅，上圍都細咗，但為咗出鏡靚啲，所以都要再減，想啲肌肉都要結實啲。」她更不斷看古裝片偷師，Winnie說：「我未試過做古裝，要學佢哋嘅動作同埋講嘢嘅方法，所以為咗套劇好多嘢要準備。」
採訪：王連連
攝影：陳順禎
服裝提供：Quiksilver
人物誌：落選港姐越演越大膽
梁敏儀（Winnie）
年齡：31歲
三圍：34B、24、35
梁敏儀99年參選香港小姐，憑其5呎7吋半身高及驕人身材，被視為大熱門，但最終三甲不入。她曾參與多齣電影包括《山狗1999》、《偷窺無罪Ⅱ之誘人犯罪》及《千機變》等，前年拍攝亞視劇集《情陷夜中環》飾演葉璇同母異父之姊，獲劇集監製王晶賞識，應邀拍攝電影《鬼眼刑警》，更在該片有大膽演出。
本欄逢周一至六刊出
